అడుగరే యీమాట అతని మీరందరును

అడుగరే యీమాట అతని మీరందరును
యెడయని చోటను ఇగిరించు ప్రియము

పొరపొచ్చమగుచోట పొసగవు మాటలు
గరిమ నొరసితేను కలగు మతి
సరవులు లేనిచోట చలము వెగ్గలమవును
నొరసి పెనగేచోట నుమ్మగిలు వలపు

వొలసీ నొల్లనిచోట వొనరవు నగవులు
బలిమి చేసేచోట పంతమురాదు
అలుక చూపేచోట అమరదు వినయము
చలివాసి వుండేచోట చెండిపడు పనులు

ననుపు లేనిచోట నమ్మికచాలదు పొందు
అనుమానమైనచోట నంటదు రతి
యెనసినాడు వేంకటేశుడు నన్నింతలోనె
తనివిలేనిచోట దైవారు కోర్కులు